Улс орны хөгжлийг мэдээллийн технологи, сүүлийн үеийн дэвшилтэт техник технологийн хэрэглээгээр нь дүгнэдэг болсон энэ үед Монгол Улсад мэдээллийн технологи, програм хангамжийн чиглэлээр суралцдаг оюутан залуусын ур чадвар, авъяасыг дээшлүүлэх, компьютерын шинжлэх ухааны ололтыг нийтэд түгээн дэлгэрүүлэх, сурталчлах, програм хангамж, аппликейшн хөгжүүлэх замаар бусад салбарт мэдээллийн технологи, програм хангамжийн хэрэглээг тэлэх, оюутнуудын эрдэм шинжилгээ, судалгааны ажлын үр дүнг үйлдвэрлэлд нэвтрүүлж нутагшуулах зорилгоор “Информатик 2018” шилдэг програм хангамжийн бүтээлийн уралдааныг ШУА – ийн Физик, Технологийн хүрээлэнгийн Информатикийн салбар, Информатик хөгжүүлэх сангаас санаачлан 2018 оны 4 сарын 27 өдөр амжилттай зохион байгууллаа. Энэхүү бүтээлийн уралдааныг жил бүр зохион байгуулах юм.
Нийт уралдаанд ирүүлсэн бүтээлүүдийг Шинэ санаа, ач холбогдол, судалгаа, онол арга зүй, тооцоолол, ашигласан дэвшилтэт технологи гэх зэрэг үндсэн шалгуур үзүүлэлтээр шүүж дүгнэлээ. Бүтээлийн уралдаанд нийт 11 бүтээлийг сонгон авч хэлэлцүүлсэн бөгөөд нийт 5 бүтээлийг байр эзлүүлэн батламж мөнгөн шагналаар шагналаа.
I – р байр:
ШУТИС-МХТС, Б.Ганзориг, Д.Даваадэлгэр, Н.Даваасүрэн нарын “Урвуу дүүжингийн загвар дээр суурилсан тогтворгүй системийн
удирдлага”
II – р байр: МУИС-ХШУИС,
П.Төрийнжаргал, “Банк болон банк бус санхүүгийн байгууллагын зээлийн систем”
II – р байр: ШУТИС-МХТС,
Б.Нямхүү, “AR Application”
III – р байр: МУИС-ХШУИС,
Ө.Оргил, “Рубикын шоо эвлүүлэгч”
III – р байр: МУИС,
Б.Тамир, “Төслийн үйлчлүүлэгч удирдлагын програм”
I - р байр
II - р байр
III - р байр
----oo0oo----
ШУА – ийн ФТХ – гийн Информатикийн салбар,
Информатик хөгжүүлэх сан