Уг ном нь хүний амьдрал, эргэн тойронд, орчлон ертөнц, байгаль дээр явагддаг үзэгдэл, юмсын учир шалтгаан, хоорондын харилцан хамаарал, зүй тогтлын тухай аль ч насны, ямар ч мэргэжлийн хүмүүсд зориулан бичигдсэн танин мэдэхүйн ном бөгөөд уг номыг уншсанаар орчлон ертөнц анх хэрхэн, яаж үүссэн, од гариг, галактикууд хэрхэн бүрэлдэн бий болов, материйн хөдөлгөөн янз бүрийн үзэгдэлд хүргэдэг тухай, орон зай, цаг хугацаа гэж юу вэ гэх зэрэг асуултуудын хариултыг мэдэх болно.
Док. Ч. Содбилэг шинэ номныхоо дээжээс Физик, Технологийн Хүрээлэнгийн номын сан, Ховд Их Сургуулийн номын сан, Ховд аймгийн арван жилийн I, II дунд сургуулиудын номын сангуудад одоогоор хандивлажээ.
Энэхүү номыг ШУА-ийн ФТХ дээр 2014-2016 онд хэрэгжсэн “Хүчтэй харилцан үйлчлэлийг латтис тоон загвараар судлах” (SSA 019/14) суурь судалгааны төслийн хүрээнд, уг төслийн санхүүжилтээр бичиж, хэвлүүлсэн байна.
