АНТИОКСИДАНТ ИДЭВХИТЭЙ ФЕРМЕНТИЙГ COVID-19 ВИРУСЫН ЭСРЭГ ЭМЧИЛГЭЭНД АШИГЛАХ БОЛОМЖИЙГ ИЛРҮҮЛЖЭЭ

• 

  Нийтлэсэн Б Нямдаваа
• 2020-10-21
• 1655

АНТИОКСИДАНТ ИДЭВХИТЭЙ ФЕРМЕНТИЙГ COVID-19 ВИРУСЫН ЭСРЭГ ЭМЧИЛГЭЭНД АШИГЛАХ БОЛОМЖИЙГ ИЛРҮҮЛЖЭЭ

Advanced Materials сэтгүүлд уг судалгааны ажил нь дэлгэрэнгүй хэвлэгджээ.

https://onlinelibrary.wiley.com/doi/10.1002/adma.202004901 /

Каталаза  нь эс дотор устөрөгчийн хэт исэлийн задралыг эхлүүлж ус болон хүчилтөрөгчийг үүсгэдэг фермент юм. Энэхүү ферментийг ихэвчлэн хүнсний нэмэлтээр өргөн ашигладаг байна.

                                                            

                                                        Зураг 1. Каталаза ферментийн 3D бүтэц

Энэхүү судалгааны багийн ахлах судлаач, профессор Юнфэн Лу нь “Вакцин болон вирусын эсрэг эм гарган авахад судлаачид ихээхэн анхаарлаа хандуулж байна” гэж хэлсэн байна. SARS-CoV-2 вирусын үрэвслийн эмчилгээний уусмалд каталаза фермент нь чухал нөлөө үзүүлдэг болохыг харуулжээ. Мөн уг вирусын эсрэг туршигдаж байсан эм-зөөвөрлөлтийн технологийг хөгжүүлжээ. Тус багийнхан COVID-19 вирусын өөр өөр шинж тэмдэгээр бүртгэгдсэн тохиолдлууд дээр 3 төрлийн шалгуураар туршсан байна. Үүнд:

Нэгдүгээрт: Ферментийн үрэвслийн эсрэг нөлөө нь цусны цагаан эсэд үүсдэг уураг болох цитокиний нийлэгжилтийг зохицуулах чадвартайг харуулсан. Цитокинууд⁴ нь хүний дархлааны системийн чухал хэсэг ба биед дархлааны эс нийлэгжиж байгаа тухай дохио дамжуулдаг. “Цитокины шуурга”⁵ гэж нэрлэгдэх дархлааны системийн хэт замбараагүй дохио дамжуулалтын дүнд бие махбодийн өөрийн дархлааны эсүүдийг гэмтээж эхэлдэг. Ийм төрлийн гэмтлүүд нь COVID-19 вирусээр өвчилсөн зарим өвчтөнүүдэд илэрсэн бөгөөд Ферментийн энэхүү зохицуулалтаар цитокиний шуургаас үүсэх дархлааны эсүүдийн гэмтлийг багасгах боломжтой байна.

Хоёрдугаарт: Каталаза фермент нь исэлдэлтийн улмаас үүсдэг гэмтлээс хүний уушгины цулцангийн шугаман эсийг хамгаалах чадамжтай болохыг судалгааны баг илрүүлжээ.

Гуравдугаарт: Сармагчингийн төрлийн rhesus macaques-ийн SARS, CoV-2 вирусын хуулбарлах үйл явцыг каталаза  фермент нь  дарангуйлж байгааг туршилтаар тодорхойлжээ.

 

Түлхүүр үг:

 

¹Репликаци-ДНХ-ийн молекул хуулбарлагдах үйл явц

²Каталаза- Амьд бие дэх устөрөгчийн хэт исэлийг хүчилтөрөгч болон ус болгон задлах урвалыг хурдасгах                 үүрэгтэй фермен

³Цитокинез- Эсийн хуваагдлын сүүлийн шат

⁴Цитокин- Биеийн дархлаанд дохио дамжуулах үүрэгтэй жижиг хэмжээтэй уураг

⁵Цитокиний шуурга- Хүн болон амьтны биед төрөлхийн дархлааны хариу урвалын дүнд үүсч буй цитокинуудын илүүдэл хэмжээ

 

https://www.sciencedaily.com/releases/2020/09/200929123518.htm?utm_source=feedburner&utm_medium=feed&utm_campaign=Feed%3A+sciencedaily%2Fhealth_medicine%2Fviruses+%28Viruses+News+--+ScienceDaily%29

 

Мэдээ бэлтгэсэн:  Материал судлалын салбар, Биофизикийн лабораторийн ЭШДаА Б.Даваасүрэн

---

Бусад мэдээлэл