Манай оронд Физикийн шинжлэх ухаан, тэр тусмаа хатуу биеийн физик, спектр судлалын салбар шинжлэх ухааныг үүсгэн хөгжүүлэх, цөмийн спектроскопын лаборатори байгуулах, Атомын спектроскопын судалгааг үүсгэж хөгжүүлэх, мэргэжилтэй боловсон хүчнийг сургаж бэлтгэх, сонгож ажиллуулах, лабораторийн материаллаг баазыг цаашид гүнзгийрүүлэн хөгжүүлэх үйлст үнэтэй хувь нэмэр оруулсан гавъяатай хүний нэг бол ахмад эрдэмтэн, доктор З.Цэвээн юм.
.png?w=1000)
Өнөөдөр 2019 оны 12-р сарын 17 нд доктор З.Цэвээний 90 насны ойд зориулсан “Докторын 60 жилийн эрдмийн аян” номын нээлт ШУА-ийн Тэргүүлэгчдийн газарт боллоо. Энэхүү номыг ФТХ-ийн эрдэм шинжилгээний тэргүүлэх ажилтан, доктор Б.Хүүхэнхүү эмхэтгэн хэвлүүлсэн юм. Тус нээлтийн үйл ажиллагаанд доктор З.Цэвээн болон үр хүүхэд, төрөл төрөгсөд ШУА, ФТХ, МУИС, МУБИС, ШУТИС, Геологийн төв лабораторийн төлөөлөгчид болон мөр зэрэгцэн ажиллаж байсан хамт олон, үе үеийн шавь нарын төлөөлөл хүрэлцэн ирж оролцлоо.
.png?w=1000)
ФТХ-ийн
ахмад ажилтан, доктор Занын Цэвээн тандаа урт насалж, удаан жаргахын өлзий
дэмбэрэлтэй ерөөлийг өргөн дэвшүүлье!
Номын цагаан буян дэлгэрэх болтугай.
.png?w=1000)